ყარაჩაი-ჩერქეზეთის დასახლება მარა აიაგიში დაუდგენელი პირები პოლიციელებს თავს დაესხნენ, მათი მიმართულებით ასაფეთქებელი მოწყობილობა ისროლეს და ავტომატური იარაღიდან ცეცხლი გაუხსნეს. ორი პოლიციელი დაიღუპა და ოთხი დაიჭრა. ინფორმაციას „ეხო კავკაზა“ ავრცელებს.

თავდამსხმელები საპასუხო ცეცხლით მოკლეს. გამოძიებამ დაადგინა, რომ ბოროტმოქმედებმა თვითნაკეთი ასაფეთქებელი მოწყობილობა გამოიყენეს.

ასეთივე ტიპის თავდასხმის დროს 22 აპრილს ყარაჩაი-ჩერქეზეთში პოლიციის ორი თანამშრომელი დაიღუპა.