Calciomercato-ს ინფორმაციით, ხვიჩა კვარაცხელია „ნაპოლისთან“ კონტრაქტს გაახანგრძლივევს.

მხარეებმა ახალ ხელშეკრულებაზე სიტყვიერ შეთანხმებას მიაღწიეს. ხვიჩა „ნაპოლისთან“ კონტრაქტს 2028 წლამდე გაახანგრძლივებს, მისი ხელფასი კი თითქმის ორჯერ გაიზრდება და წლიურად 2.5 მილიონი ევრო გახდება.

მოქმედი კონტრაქტით, კვარაცხელია „ნაპოლისთან“ 2027 წლამდე არის დაკავშირებული და მისი წლიური ხელფასი 1.2 მილიონ ევროს შეადგენს.

ხვიჩა ნეაპოლიტურ გუნდში 2022 წლის ზაფხულში გადავიდა და სადებიუტო სეზონში 12 გოლით და 10 ასისტით გუნდს 33-წლიანი პაუზის შემდეგ სკუდეტო მოაგებინა.