2008 წლის აგვისტოს ომიდან მე-15 წლისთავს ხორვატიის საგარეო საქმეთა სამინისტრო გამოეხმაურა.

როგორც უწყების მიერ გავრცელებულ განცხადებაშია ნათქვამი, ხორვატია მხარს უჭერს საქართველოს სუვერენიტეტისა და ტერიტორიულ მთლიანობას.

„რუსეთის საქართველოში შემოჭრის მე-15 წლისთავზე, ხორვატია კიდევ ერთხელ ადასტურებს მხარდაჭერას საქართველოს სუვერენიტეტისა და ტერიტორიული მთლიანობისადმი. ევროკავშირის სადამკვირვებლო მისიაში მონაწილეობით ხორვატია აქტიურად უწყობს ხელს საქართველოში უსაფრთხოებას და კონსტრუქციული ჩართულობის, მშვიდობიანი გადაწყვეტის მოწოდებით გამოდის“, – აღნიშნულია განცხადებაში.