რესტორან “ბაბილოსთან” აქციიაზე კვლავ ხმაური და დაპირისპირებაა.

კერძოდ, აქციის მონაწილეები მოსამართლეების პოლიციის მანქანით ტერიტორიიდან გაყვანას პროტესტით შეხვდნენ, რამაც დაპირისპირება გამოიწვია აქციის მონაწილეებსა და სამართალდამცავებს შორის. ისმოდა შეძახილები: “გაუშვით, რატომ იჭერთ?!”, “ივანიშვილის მონა”.

პარალელურად, რესტორან “ბაბილოსთან”, მოსამართლეების კორპორაციული წვეულება კვლავ გრძელდება, მოსამართლეთა ნაწილმა პოლიციის კორდონის საშუალებით დატოვა ტერიტორია. აქციის მონაწილეები რესტორნის მიმართულებით კვერცხებს ისვრიან.

და­კა­ვე­ბე­ბის და­წყე­ბამ­დე, რამ­დე­ნი­მე მო­სა­მარ­თლეს, რომ­ლებ­მაც წვე­უ­ლე­ბა ადრე და­ტო­ვეს, შეკ­რე­ბი­ლებ­მა კვერ­ცხე­ბი და­უ­ში­ნეს.

კერ­ძოდ, ერთ-ერთი მო­სა­მარ­თლე აქ­ცი­ის მო­ნა­წი­ლე­ებ­მა შე­ძა­ხი­ლე­ბით გა­ა­ცი­ლეს, მისი მი­მარ­თუ­ლე­ბით ის­როდ­ნენ კვერ­ცხებს, ასე­ვე, წყალს ას­ხამ­დნენ. ამას­თან, ად­გილ­ზე აღ­ნიშ­ნულ მო­სა­მარ­თლეს სი­ტყვი­ე­რად და­უ­პი­რის­პირ­და “კო­ა­ლი­ცია ცვლი­ლე­ბის­თვის“ ერთ-ერთი ლი­დე­რი ნიკა მე­ლია, რო­მელ­მაც მას “უნა­მუ­სო” უწო­და. ის­მო­და გინება და ასევე, შე­ძა­ხი­ლე­ბი: “მონა”, “მონა”, “გა­ა­თა­ვი­სუფ­ლეთ ახალ­გაზ­რდე­ბი!”.

ადგილზე მობილიზებულია სამართალდამცველთა დიდი რაოდენობა, მათ შორის არიან როგორც საპატრულო პოლიციის თანამშრომლები, ასევე კრიმინალური პოლიციის წარმომადგენლები. რესტორნის შენობის უკანა შესასვლელთან კი განსაკუთრებულ დავალებათა დეპარტამენტის თანამშრომლები განლაგდნენ.

"ად­მი­ნის­ტრა­ცი­უ­ლი წე­სით არი­ან და­კა­ვე­ბუ­ლე­ბი. გზის სა­ვალ ნა­წილს კე­ტავ­დნენ, შე­უ­რა­ცხყო­ფას აყე­ნებ­დნენ პო­ლი­ცი­ას”, - აღ­ნიშ­ნეს ად­გილ­ზე სა­მარ­თალ­დამ­ცვე­ლებ­მა