ულტიმატუმის ვადა ამოიწურა. "საირმე მინერალ ვოთერსის” გაფიცულმა თანამშრომლებმა საირმე-აბასთუმნის დამაკავშირებელი გზა გადაკეტეს. მათ ცოცხალი ჯაჭვი გააკეთეს და ასფალტზე მჯდომარე აქცია გამართეს, სამართალდამცველებმა გაფიცულები ძალის გამოყენებით გზიდან გადაიყვანეს, რასაც დაპირისპირება და ხმაური მოჰყვა.

როგორც აქციის მონაწილეები ამბობენ, დაშლას არ აპირებენ, ვიდრე ადმინისტრაცია მათთან დიალოგზე არ წამოვა.

"საირმე მინერალ ვოთერსის” თანამშრომლები უკვე ორი კვირაა გაიფიცნენ. ისინი ხელფასის მატებას და სამუშაო პირობების გაუმჯობესებას ითხოვენ. ამბობენ, რომ ძალიან მიზერული თანხით სიცოცხლისათვის სახიფათო პირობებში მუშაობენ.