რუსეთის საჰაერო დარტყმას ხერსონში, რომელიც საზოგადოებრივი ტრანსპორტის გაჩერებაზე განხორციელდა, სამი ადამიანი ემსხვერპლა. ამის შესახებ უკრაინის პრეზიდენტის აპარატის უფროსმა ანდრეი ერმაკმა Telegram-ში განაცხადა.

 „რუსმა ტერორისტებმა დილით დაბომბეს ხერსონი. მათ, სხვა ობიექტებთან ერთად, საზოგადოებრივი ტრანსპორტის გაჩერებასაც დაარტყეს" - განაცხადა ერმაკმა. 

დაბომბვის შედეგად სამი ადამიანი დაიღუპა. 9 მარტის ღამეს უკრაინაზე რუსეთის მასიობრივი სარაკეტო თავდასხმის დროს, რუსებმა 5 რაკეტა ესროლეს ზაპოროჟიეს რეგიონის ერთ-ერთ კრიტიკულ ინფრასტრუქტურულ ობიექტს. შედეგად არავინ დაშავებულა.