რუსმა ოკუპანტებმა გუშინ ხერსონის ოლქი და ქალაქი ხერსონი დაბომბეს. 

შედეგად, დაღუპულია სულ მცირე 23, ხოლო დაშავებულია 46 ადამიანი. ამის შესახებ ინფორმაციას ხერსონის ოლქის სამხედრო ადმინისტრაციის ხელმძღვანელი ალექსანდრ პროკუდინი ავრცელებს.

„გასული დღის განმავლობაში მტერმა 98 თავდასხმა განახორციელა და 539 ჭურვი გაისროლა მძიმე არტილერიის, გრადების, ტანკების, უპილოტო საფრენი აპარატებისა და ავიაციის საშუალებით“, - წერს წერს პროკუდინი TELEGRAM-ზე და აღნიშნავს, რომ მხოლოდ ქალაქი ხერსონი 16-ჯერ იქნა დაბომბილი. 

უკრაინული მხარის ცნობით, ბომბები ხერსონის ოლქის დასახლებებში ჩამოვარდა.