სამხრეთ კავკასიასა და ცენტრალურ აზიაში ნატოს გენერალური მდივნის სპეციალურმა წარმომადგენელმა, პირველი შეხვედრა თბილისში საგარეო საქმეთა სამინისტროში გამართა. ამ წუთებში კი, ხავიერ კოლომინა პრეზიდენტს ხვდება.

დღესვე ნატოს გენერალური მდივნის სპეციალური წარმომადგენელი პარლამენტში მივა.

ვიზიტის მიზანსა და შეხვედრებზე განხილულ საკითხებთან დაკავშირებით, ხავიერ კოლომინა ნატოს სამეკავშირეო ოფისში ისაუბრებს. კოლომინა თბილისში რეგიონული ტურის ფარგლებში ჩამოვიდა და საქართველოს გარდა, სომხეთსა და აზერბაიჯანსაც ეწვევა.

მმართველი გუნდის შეფასებით, მისი ვიზიტი მნიშვნელოვანია იმ თვალსაზრისითაც, რომ ივლისში იგეგმება ნატოს სამიტი, სადაც საქართველოს საკითხიც იქნება ასახული.