ხარაგაულის რაიონში უხვმა ნალექმა პრობლემები შექმნა. დაიტბორა საცხოვრებელი სახლები. ძლიერმა ქარმა რამდენიმე საცხოვრებელ სახლს სახურავები გადახადა. მდინარეებზე დაფიქსირდა წყალმოვარდნები.

როგორც ხარაგაულის მერი აცხადებს 80-მდე ადგილზე პრევენციის ზომების მიღება გახდა საჭირო. უხვმა ნალექმა ასევე პრობლემები შექმნა სოფელ მოლითთან არსებულ სარკინიგზო გზაზე, სადაც გზის ორ მონაკვეთზე მეწყრული პროცესები განვითარდა. პრობლემის გამო უკან დაბრუნება მოუწია მატარებლის რამდენიმე რეისს, რომლებიც აღმოსავლეთის მიმართულებით მიდიოდა.