ხალხი ტალახში იხრჩობა და ჩემს ფიდში შემორჩნენ ადამიანები, ვინც პოლიტიკური ქულების დაგროვებას ცდილობს ჰიპოთეზებით - “მიშა რას იზამდა” - ამის შესახებ “ტაბულას” დამფუძნებელი, თამარ ჩერგოლეიშვილი წერს:

"ამ მომენტში, ადამიანების გადარჩენისთვის ლოცვის და საკუთარი საქმის (ჩემს შემთხვევაში - გაშუქება) გარდა, რა უნდა აკეთოს ნორმალურმა ადამიანმა არ ვიცი. 
დატოლებების ადგილი და დრო რომ არ არის ეგ ვიცი ზუსტად. 
ხალხი ტალახში იხრჩობა და ჩემს ფიდში შემორჩნენ ადამიანები, ვინც პოლიტიკური ქულების დაგროვებას ცდილობს ჰიპოთეზებით - “მიშა რას იზამდა”. 
ასეთი სუსტი, უბადრუკი, უგემოვნო და სასოწარკვეთილი გამოხტომა ცოტაჯერ მინახავს." - დაწერა ჩერგოლეიშვილმა.

ცნობისთვის, მიხეილ სააკაშვილის გათავისუფლების შტაბის ხელმძღვანელი გიორგი ჩალაძე შოვში ჩამოწოლილ მეწყერზე წერს: “მიშა ახლა როგორ მოიქცეოდა, მხოლოდ წარმოიდგინეთ".

ცოტა ხნის წინ გავრცელდა ინფორმაცია, რომ სტიქიას 6 ადამიანი ემსხვერპლა.

როგორც ცნობილია, ონის მუნიციპალიტეტში სამაშველო ღონისძიებები მიმდინარეობს, დაახლოებით 35 ადამიანს ამ დრომდე ვერ უკავშირდებიან.