“ხუმრობთ, რომ შეიძლებოდა ეს ჩვენს თავზე მიგვეღო? ხაბეიშვილს და მარგველაშვილს გადეცით, ერთმანეთს მიხედონ”, - ამის შესახებ პარტია „საქართველოსთვის“ წევრმა, მიხეილ დაუშვილმა განაცხადა.

მიხეილ დაუშვილი ლევან ხაბეიშვილის ბრალდებებს სასაცილოს უწოდებს.

მისი თქმით, გუშინდელი აქცია „ნაციონალური მოძრაობის“ ვიწროპარტიული ინტერესებიდან გამომდინარე იყო.

„ბატონ ხაბეიშვილს და ბატონ მარგველაშვილს გადაეცით, რომ ერთმანეთს მიხედონ და ვინ? ხაბეიშვილმა და მარგველაშვილმა უნდა გადაწყვიტონ, ვინ არის ნამდვილი ოპოზიცია? სერიოზულიც არ არის, სასაცილოა“, - აცხადებს მიხეილ დაუშვილი.

შეგახსენებთ, ენმ-ის თავმჯდომარე ლევან ხაბეიშვილი ოპოზიციაში წმენდის დაწყებას ითხოვს.