რადას დეპუტატმა, ექსპრეზიდენტის, მიხეილ სააკაშვილის პარტნიორმა ლიზა იასკომ ქართულ მედიასთან განაცხადა, რომ „ნაციონალური მოძრაობის“ ახლადარჩეული თავმჯდომარე ლევან ხაბეიშვილი გახდება ის ფიგურა, რომლის გარშემოც ხალხი გაერთიანდება.

იასკო მიიჩნევს, რომ ხაბეიშვილი გამოხატავას ქართველი ხალხის აზრს.

„ვფიქრობ, ლევან ხაბეიშვილი ასახავს საქართველოს ხალხის აზრს, განსაკუთრებით ვინც მიხეილ სააკაშვილის ჯანმრთელობის მდგომარებითაა შეწუხებული. ალბათ, ლევან ხაბეიშვილი გახდება ის ფიგურა, რომლის გარშემოც ხალხი გაერთიანდება და მოითხოვს სამართლიანობას, ეს არ არის იმდენად მიხეილ სააკაშვილის საკითხი, რამდენადაც ეს არის ზოგადი სამართლიანობის საკითხი“, - აღნიშნა იასკომ.

როგორც ცნობილია, „ნაციონალური მოძრაობის“ თავმჯდომარის არჩევნებში ლევან ხაბეიშვილმა გაიმარჯვა.