დიდ ბრიტანეთში, აღმოსავლეთ მიდლედნში, წყალსადინარის მწმენდავმა "ძალიან იშვიათი", შუასაუკუნეების თოჯინა აღმოაჩინა. სარა ბრექსთოუნმა ტყვიისგან დამზადებული თოჯინა, თავის სახლთან ახლოს, ლითონის დეტექტორით იპოვა.
„თოჯინას მდინარის ტალახიან ნაპირზე წავაწყდი. თოჯინის ტალახიდან ამოსაღებად 20 წუთი დამჭირდა. ის სრულყოფილი ფორმით არის შემორჩენილი,“ - თქვა სარა ბრექსთოუნმა.

„მსგავსი თოჯინების 20-მდე ნაწილი მანამდეც ვიპოვეთ, თუმცა ეს აღმოჩენა ძალიან იშვიათია. საინტერესოა, როგორ გადაურჩა დროს, რადგან თოჯინა დამზადებულია ტყვიისა და ლითონისგან, რომლებიც, ზოგადად, მტვრევადი მასალებია. თოჯინის მკლავებთან ახლოს დამაგრებული მარყუჟები მიუთითებს, რომ ის სიმებიანი თოჯინა იყო“, - თქვა დიდი ბრიტანეთის

პორტატული სიძველეების სქემის (PAS) ხელმძღვანელმა მაიკლ ლუისმა.

სარა ბრექსთოუნი თოჯინის ბრიტანეთის მუზეუმისთვის გადაცემას გეგმავს.