თურქეთში, ანტალიის პროვინციაში სამი რაიონი - კუმლუჩა, ფინიკე და დემრე - ძლიერი წვიმის შედეგად გამოწვეული წყალდიდობის გამო, კატასტროფის ზონად გამოცხადდა.

ამის შესახებ თურქეთის პრეზიდენტმა რეჯეფ თაიფ ერდოღანმა განაცხადა.

„გადაწყვეტილება „სტიქიური უბედურების ზონის შემოღების შესახებ, რომელმაც გავლენა მოახდინა საარსებო წყაროებზე“ მიღებულ იქნა კუმლუჩას, ფინიკესა და დემრეს რაიონებთან დაკავშირებით... საერთო ჯამში, დაზიანდა 13,200 ჰექტარი სასოფლო-სამეურნეო მიწა და სათბურები“ - განაცხადა პრეზიდენტმა.

მისივე თქმით, ზარალის შესაფასებლად და ტერიტორიების გასუფთავებაზე მუშაობა მიმდინარეობს.