სვერდლოვსკის ოლქში, წელიწად-ნახევრის ბავშვი გაიყინა და გარდაიცვალა. ამის შესახებ Ura.ru სამართალდამცავი ორგანოების წყაროზე დაყრდნობით იუწყება.

ამბავი 6 დეკემბერს მოხდა, ალაპაევსკის მახლობლად მდებარე სოფელ კატიშკაში. ბავშვი  გავიდა სახლიდან, მაგრამ უკან ვეღარ დაბრუნდა. რეგიონული საგამოძიებო ჯგუფის ინფორმაციით, ბავშვმა, ოთახიდან გასვლისას, კარი  გაიჯახუნა, შემდეგ კი მისი გაღება ვერ შეძლო.

ბავშვის დედას ეძინა და მაშინვე ვერ შეამჩნია შვილის არყოფნა, ხოლო როცა გონს მოვიდა და დერეფანში გავიდა, ბავშვი უკვე გაყინული იყო. ცნობილია, რომ მშობლებს კიდევ სამი შვილი ჰყავთ.  პოლიცია მომხდარს იძიებს და სისხლის სამართლის საქმე დაუდევრობით სიკვდილის გამოწვევის მუხლითაა აღძრული.