ჰუსიტების მხრიდან წითელ ზღვაში სავაჭრო გემებზე გახშირებული თავდასხმების გამო, აშშ-ს თავდაცვის მდივანმა, ლოიდ ოსტინმა ოპერაციის დაწყების შესახებ განაცხადა, რომელიც მისი თქმით, ფოკუსირებული იქნება ადენის ყურესა და წითელ ზღვაში უსაფრთხოების გამოწვევებზე.

„უგუნური იემენელი ჰუსიტების მხრიდან ბოლოდროინდელი ესკალაცია საფრთხეს უქმნის თავისუფალი ვაჭრობის ნაკადს, უდანაშაულო მეზღვაურებს და არღვევს საერთაშორისო კანონს“, – ამბობს ოსტინი.

აშშ-ს თავდაცვის მდივანი მოუწოდებს ქვეყნებს, რომ „გაერთიანდნენ არასახელმწიფო აქტორის წინააღმდეგ.“

რამდენადაც ცნობილია, ოსტინის მიერ გამოცხადებულ ოპერაციაში მონაწილეობს დიდი ბრიტანეთი, ბაჰრეინი, კანადა, საფრანგეთი, იტალია, ნიდერლანდები, ნორვეგია, სეიშელის კუნძულები და ესპანეთი.