თბილისში, არასრულწლოვნებმა ერთ-ერთი ბრენდული სასურსათო მაღაზია გაძარცვეს  - წაღებულია 500 ლარის ღირებულების კარაქი. ამის შესახებ ინფორმაცია, სოციალურ ქსელში ვრცელდება.

„ჩვენი "სპარი" გაძარცვეს... საღამოს, ხალხის თანდასწრებით. შემოცვივდნენ 13-14 წლის ბავშვები. იტრიალეს, დაიფანტნენ მთელ მაღაზიაში და რომ გავიდნენ, 500 ლარის კარაქი გაქრა. კა-რა-ქი, ხალხნო!!!! არა ძვირიანი ალკოჰოლი, არა ხიზილალა, კარაქი..... ქვეყანაში, სადაც 200 გრამიანი კარაქი 10 ლარამდე ღირს, მძარცველებმა მშვენივრად იციან, რომ წამში გაყიდიან ნახევარ ფასად და მოიმადლიერებენ კიდეც ადამიანებს.... „ - წერს სოციალური ქსელის მომხმარებელი.