უკრაინის ექსპრეზიდენტ ვიქტორ იუშჩენკოს სწყინს, რომ საქართველო არ არის იმ ქვეყნებს შორის, რომლებიც ომის პირობებში მაქსიმალურ მხარდაჭერას უწევენ კიევს.

„მესმის, რომ ეს ეპიზოდია, მესმის, რომ საქართველო იქნება ისეთი, როგორზეც ვოცნებობთ და იქაური მთავრობა იქნება ისეთი, რომელსაც ტაშს დავუკრავთ, მაგრამ დღეს სამწუხაროა,“ - განაცხადა მან ჟურნალისტ, დიმიტრი გორდონთან ინტერვიუში.

იუშჩენკო ამბობს, რომ 2007 წელს უკრაინამ საქართველოს მისცა ყველა იარაღი, რაც მას სთხოვა და დასძინა, რომ მან კარგად იცოდა, როგორ მოიქცეოდნენ პუტინი და რუსეთი.

„მე ვუთხარი მიშას (სააკაშვილს): ეს არ არის ჩემი პირადი გადაწყვეტილება (იარაღის გადაცემის შესახებ - რედ.), ეს ჩემი ერის გადაწყვეტილებაა,“ - განაცხადა იუშჩენკომ.