უკრაინის პრეზიდენტი, ვოლოდიმირ ზელენსკი შოვში მომხდარ ტრაგედიას "ტვიტერის" ოფიციალურ გვერდზე ქართულად გამოეხმაურა.

"ღრმად თანავუგრძნობთ საზოგადოებას სტიქიური უბედურების გამო, რომელმაც ადამიანების სიცოცხლე შეიწირა. ვუსამძიმრებთ გარდაცვლილთა ნათესავებსა და ახლობლებს და მალე გამოჯანმრთელებას ვუსურვებთ რაჭის მაღალმთიან რეგიონში მეწყერის ჩამოწოლის შედეგად ყველა დაშავებულს," - წერს ზელენსკი სოციალურ ქსელში.

ცნობისთვის, შოვში სტიქიის შედეგად დაღუპულთა რაოდენობა 11-მდე გაიზარდა. 

სტიქიის ზონიდან, ამ დროისთვის, 210 ადამიანია გამოყვანილი. 

შოვში მომხდარი ტრაგედიის გამო, 7 აგვისტო გლოვის დღედ გამოცხადდა. 

სტიქიის ზონაში ამ დრომდე ეძებენ 25-მდე ადამიანს.