ბავშვებისთვის ყველაზე გემრიელ, სასურველ და ტკბილ ჯილდოს - ფერად ტკბილეულს, სუპერმარკეტებში მრავლად შეხვდებით. აღმოჩნდა, რომ მიმზიდველ ტკბილეულთან ერთად ექიმების ყურადღების ობიექტში ყინულოვანი სასმელიც მოექცა.

ბრიტანული მედიის ცნობით, ბოლო 1 კვირაში საავადმყოფოში ორი არასრულწლოვანი გადაიყვანეს, ყინულოვანი სასმლის, ე.წ. სლაშის მიღების შემდეგ. მსოფლიოს მსხვილი მწარმოებელი კომპანიები სხვადასხვა მარკეტინგული ხრიკით ცდილობენ, მშობლებს აფიქრებინონ, რომ ესა თუ ის ფერადი სასმელი ხილისგან მზადდება და ჯანსაღია, რეალურად კი ერთ-ერთი მთავარი ინგრედიენტი გლიცეროლია E 422, რაც იშვიათ შემთხვევაში ჰიპოგლიკემიას იწვევს.