უკრაინის პრეზიდენტი ვოლოდიმირ ზელენსკი აშშ-ის პრეზიდენტ ჯო ბაიდენს თეთრ სახლში შეხვდა. „ბიბისის“ ინფორმაციით, შეხვედრა ოვალურ კაბინეტში გაიმართა.

მედიის ცნობით, ჯო ბაიდებმა შეხვედრისას ისაუბრა ვალდებულებებზე უკრაინის უსაფრთხოებისადმი, ასევე გრძელვადიანი მშვიდობის მიზნებზე.

ამასთან, როგორც მედია წერს, აშშ-ის პრეზიდენტმა ხაზი გაუსვა უკრაინელი ხალხისა და პრეზიდენტი ზელენსკის სიმამაცეს.

„მათ შთააგონეს მსოფლიო. ამერიკელი ხალხი, მსოფლიო თქვენს გვერდით დგას“, – აღნიშნა ბაიდენმა.

თავის მხრივ, ვოლოდიმირ ზელენსკიმ მადლობა გადაუხადა აშშ-ს გაწეული დახმარებისთვის.

„მადლობა მოწვევისთვის და შეერთებული შტატების მიერ რუსული ტერორის წინააღმდეგ უკრაინის საბრძოლველად მნიშვნელოვანი დახმარებისთვის“, – განაცხადა ზელენსკიმ.