„ვესაუბრე ილონ მასკს. მისი მადლობელი ვარ, უკრაინის სიტყვებითა და საქმით მხარდაჭერისთვის. მომავალ კვირას ჩვენ მივიღებთ Starlink-სისტემების კიდევ ერთ პარტიას განადგურებული ქალაქებისთვის. განვიხილეთ შესაძლო კოსმოსური პროექტები, მაგრამ ამაზე ომის შემდეგ ვისაუბრებ“, - წერს ვოლოდიმირ ზელენსკი.

Starlink-ი არის სისტემა, რომელითაც შესაძლებელია დედამიწის ნებისმიერ წერტილში გქონდეს ინტერნეტი. არაა საჭირო რაიმე ინფრასტრუქტურა, დენისა და მიმღები მოწყობილობის გარდა - იქნები მთაში, მწვერვალზე თუ შუა ზღვაში - ყველგან, სადაც არც ინტერნეტია და არც მობილური ტელეფონით დაკავშირებაა შესაძლებელი. (წყარო: რადიო თავისუფლება)