კონფერენს ლიგის მეორე საკვალიფიკაციო ეტაპზე ქუთაისის „ტორპედო“ ყაზახურ „აქტობეს" შეხვდება.

შეხვედრა „რამაზ შენგელია არენაზე“  21:00 საათზე, დაიწყება.

როგორც ცნობილია, ყაზახურ გუნდს საქართველოში გამომგზავრებაზე რამდენიმე პრობლემა შეექმნა. სანქცირებული ავიაკომპანიის შეცვლის გარდა, აფრიკელ ფეხბურთელს საქართველოს ვიზის მიღებაც გაუჭირდა.

ყაზახური გუნდი ქუთაისში 27 ივლისს, ანუ მატჩის დღეს ჩამოფრინდა.

ამ წუთებში ქუთაისის სტადიონის მიმდებარედ პოლიციაა მობილიზებული. ორივე გუნდის გულშემატკივრებისგან ისმოდა შეძახილებიც. 

შეხვედრის პირდაპირ რეპორტაჟს საქართველოს პირველი არხი 21:00 საათიდან შემოგთავაზებთ. საპასუხო მატჩი 3 აგვისტოს აქტობეში გაიმართება.