“რუსეთის პრეზიდენტი ვლადიმერ პუტინი იმავე შეცდომას უშვებს, რაც სტალინმა დაუშვა”, ამის შესახებ ფინეთის პრეზიდენტი აცხადებს. 

მედიის ცნობით, საული ნიინისტე მსგავსებას ხედავს რუსეთის უკრაინაში შეჭრასა და 1939-1940 წლებში საბჭოთა კავშირისა და ფინეთს შორის ზამთრის ომში. 

ნიინისტე მიიჩნევს, რომ რუსეთმა და საბჭოთა კავშირმაც უხეში შეცდომა დაუშვეს, როდესაც ჩათვალეს, რომ სწრაფად დააჩოქებდნენ უკრაინასა და ფინეთს.

„ავტორიტარული ქვეყნების ლიდერებმა, სტალინმა და პუტინმა ვერ გაითვალისწინეს არსებითი ფაქტორი, რომ თავისუფალ ქვეყანაში ხალხს გააჩნია ნება და რწმენა, რომ ერი, რომელიც შეთანხმებულად მოქმედებს – ეს უდიდესი ძალაა“, ამბობს ფინეთის ლიდერი.