რუსეთის პრეზიდენტი ვლადიმერ პუტინი სამშაბათს ფედერალურ ასამბლეას მიმართავს, რომელშიც სავარაუდოდ შეაფასებს სპეცოპერაციას, საერთაშორისო ვითარებას და ასევე, ყურადღებას მიაქცევს რუსეთის სოციალურ და ეკონომიკურ საკითხებს.

ეს იქნება პირველი მიმართვა ომის დაწყების შემდეგ. პრეზიდენტი მას ყოველწლიურად მიმართავს.

რუსეთის ლიდერმა გასული წლის ბოლოს განმარტა, რომ მოვლენების დინამიკა ძალიან ინტენსიურია და შედეგების დაფიქსირებაა საჭირო, ამიტომ დამატებითი ანალიზი და დროა საჭირო იმისათვის, რომ მისი სიტყვა იყოს მყარი და ფუნდამენტური.

პუტინის მიმართვა მოსკოვის დროით 12:00 საათზე დაიწყება.