რუსეთის პრეზიდენტი ვლადიმერ პუტინი ოკუპირებული ე.წ. სამხრეთ ოსეთის დეფაქტო ლიდერი ალან გაგლოევი რამდენიმე კვირის წინ გადადებული სამუშაო შეხვედრას მოსკოვში გამართავენ. ამის შესახებ რუსეთის პრეზიდენტის პრესსპიკერმა დიმიტრი პესკოვმა განაცხადა.

„დღეს შედგება სამხრეთ ოსეთის პრეზიდენტის ალან გაგლოევის სამუშაო ვიზიტი, რომელიც ადრე გადაიდო სამედიცინო მიზეზების გამო" - განუცხადა პესკოვმა ჟურნალისტებს და აღნიშნა, რომ ე.წ. სამხრეთ ოსეთთან ურთიერთობა რუსეთის ფედერაციისთვის ძალიან მნიშვნელოვანია.

თებერვალში გავრცელდა ინფორმაცია, რომ გაგლოევი სამუშაო ვიზიტით ჩავიდა მოსკოვში, სადაც მას კორონავირუსის დიაგნოზი დაუსვეს. გაგლოევი კარანტინში იმყოფებოდა და მკურნალობა მოსკოვში გაიარა.