უნგრეთის პრემიერ-მინისტრმა, ვიქტორ ორბანმა მოუწოდა ევროკავშირს, დღის წესრიგიდან ამოიღოს რუსული ენერგომატარებლების აკრძალვის წინადადება.

„საბოლოო ჯამში, ჩვენ მოგვიწევს ენერგიის ფასების შემდგომ ზრდასთან გამკლავება. ეს სერიოზული საფრთხეა, ამიტომ ბრიუსელმა ახლა უნდა გააუქმოს რუსული ენერგიის იმპორტის აკრძალვები“, – განაცხადა ორბანმა თავდაცვის საბჭოს სხდომის შემდეგ, რომელიც აშშ-ის მიერ ირანის ბირთვულ ობიექტებზე დარტყმების შემდეგ მოიწვია.

შეგახსენებთ, ევროკომისიამ წარადგინა გეგმა, რომელიც ითვალისწინებს ევროკავშირში რუსეთიდან გაზის იმპორტის სრულად შეწყვეტას 2027 წლის ბოლომდე.