უნგრეთის პრემიერ-მინისტრის, ვიქტორ ორბანის განცხადებით, აშშ-ისა და რუსეთის პრეზიდენტებს, დონალდ ტრამპსა და ვლადიმერ პუტინს შორის შეხვედრა დღის წესრიგში ისევ დგას.

„ის, რაც გადაიდო, მაინც შედგება. უბრალოდ არა მაშინ, როცა ჩვენ გვინდა, არამედ ცოტა მოგვიანებით“, - აღნიშნა ორბანმა.

მისი თქმით, უკრაინასა და რუსეთს შორის მოლაპარაკებები ჩიხშია შესული, რადგან რუსეთს სურს მთელი დონეცკის ოლქის ხელში ჩაგდება შესაძლო სამშვიდობო შეთანხმების მიღწევამდე.

ორბანმა განაცხადა, რომ ნახა 2022 წლის „სტამბოლის შეთანხმებების“ დოკუმენტები. მისი მტკიცებით, მოლაპარაკებები წარმატებასთან ახლოს იყო, თუმცა შეთანხმება „ანგლო-საქსებმა ჩაშალეს“.