ბრიუსელმა ევროკავშირი საომარ პროექტად აქცია. ისინი მშვიდობაზე საუბრობენ, მაგრამ ომისთვის ემზადებიან, – ამის შესახებ უნგრეთის პრემიერ-მინისტრი ვიქტორ ორბანი სოციალურ ქსელში წერს.

ორბანის თქმით, უნგრელებმა და სლოვაკებმა კარგად იციან, რას ნიშნავს ომი და ისინი ჩაგვრის ნაცვლად, სუვერენიტეტს ირჩევენ.

„ბრიუსელმა ევროკავშირი საომარ პროექტად აქცია. ისინი მშვიდობაზე საუბრობენ, მაგრამ ომისთვის ემზადებიან და ცდილობენ, ყველა ერი თავიანთ დღის წესრიგში ჩააყენონ. უნგრელებმა და სლოვაკებმა იციან, რას ნიშნავს ომი და ჩვენ ამ გზაზე ვერ დაგვაყენებენ. ჩვენ ჩაგვრის ნაცვლად ვირჩევთ სუვერენიტეტს, სიყვარულისა და ერთიანობის ძალას. ისინი, ვინც ისტორიიდან სწავლობენ, არიან ისინი, ვისაც შეუძლია მომავლის დაცვა“, – წერს ვიქტორ ორბანი.