პრემიერ-მინისტრმა ვიქტორ ორბანმა უნგრეთის საპარლამენტო არჩევნებში გამარჯვება მთავარ კონკურენტ ოპოზიციურ პარტიას - "ტისას" მიულოცა. ამის შესახებ CNN-ი წერს.

ორბანმა, მისი პარტიის, "ფიდესის" შტაბ-ბინაში სიტყვით გამოსვლისას განაცხადა, რომ დამარცხება მტკივნეულია, მაგრამ შედეგი აშკარაა. ამასთან, აღნიშნა, რომ ოპოზიციურ პარტიას, "ტისას", გამარჯვება უკვე მიულოცა.

"არჩევნების შედეგი ჯერ საბოლოო არ არის, მაგრამ გასაგები და ნათელია. ეს შედეგი ჩვენთვის მტკივნეული, თუმცა ნათელია. ქვეყნის მართვის პასუხისმგებლობა და შესაძლებლობა ჩვენ არ გადმოგვეცა. მე გამარჯვებულ პარტიას მივულოცე. ჩვენ უნგრეთის ერს და ჩვენს სამშობლოს ოპოზიციიდანაც მოვემსახურებით", - აღნიშნა ორბანმა.