უნგრეთი „ანტიფას“ ტერორისტულ ორგანიზაციად აღიარებს, – ამის შესახებ უნგრეთის პრემიერ-მინისტრმა, ვიქტორ ორბანმა განაცხადა.

უნგრეთის მთავრობის ხელმძღვანელი მიესალმება დონალდ ტრამპის გადაწყვეტილებას, რომელმაც „ანტიფა“ ტერორისტულ ორგანიზაციად გამოაცხადა.

ვიქტორ ორბანის თქმით, „ანტიფას“ აგენტები უნგრეთში ჩავიდნენ, ქუჩაში მშვიდობიან ადამიანებს თავს დაესხნენ, შემდეგ კი ევროპარლამენტარები გახდნენ და ახლა ბრიუსელიდან უნგრეთს ლექციებს უკითხავენ.

აშშ-ის პრეზიდენტმა, დონალდ ტრამპმა ანტიფაშისტური მოძრაობა „ანტიფა“ ტერორისტულ ორგანიზაციად გამოაცხადა. მისივე თქმით, გასცემს მკაცრ რეკომენდაციას, რომ „ანტიფას“ დამფინანსებლები საფუძვლიანად გამოიძიონ უმაღლესი სამართლებრივი სტანდარტებისა და პრაქტიკის შესაბამისად.