თბილისში, ყაზბეგის გამზირზე, დღეს დილით ავტოსაგზაო შემთხვევის შედეგად დაღუპული მოტოციკლის მძღოლი 19 წლის რევი დემეტრაშვილია. სამართალდამცავები მას აედევნენ, ერთ-ერთმა ეკიპაჟმა კი დიდი სიჩქარით მოძრავ მოტოციკლს, სავარაუდოდ,  გზა გადაუკეთა, ბიჭი ეკიპაჟის მანქანას შეეჯახა, რის შედეგადაც დაიღუპა.

რევი, ქართულ-ამერიკული უმაღლესი სკოლის წარჩინებული კურსდამთავრებული იყო. ის გასულ წელს მადრიდის IE University-ში 75 %-იანი დაფინანსებით ჩაირიცხა.

ორი წლის წინ ქართულ-ამერიკული უმაღლესი სკოლა სიამაყით წერდა:

"ქართულ-ამერიკული უმაღლესი სკოლის მოსწავლემ რევი დემეტრაშვილმა, წელს ჩატარებულ 𝗣𝗦𝗔𝗧 𝟭𝟬 – ის გამოცდაზე მსოფლიოში ერთ-ერთი საუკეთესო შედეგი აჩვენა!
რევის პროცენტილი შეადგენს 𝟵𝟵 -ს.
მისი საერთო ქულა 𝟭𝟰𝟲𝟬-ია, მაქსიმალური შესაძლო 𝟭𝟱𝟮𝟬 ქულიდან!"