ვა­კის პარკში მომ­ხდარ ტრაგედიას, რომელსაც 13 წლის გოგო ემსხვერპლა, თვითმხილ­ვე­ლე­ბი იხსენებენ და წერენ, რომ ბავ­შვე­ბის ამო­საყ­ვა­ნად შად­რე­ვან­ში მა­მა­კა­ცი შე­ვი­და. მან შადრევნიდან ორი ბავ­შვი ამო­იყ­ვა­ნა, თუმ­ცა მე­სა­მეს ამოყვანას ვერ ახერხებდა, რადგან მასაც დენი არტყამ­და.

სოციალურ ქსელში გავრცელებული ინფორმაციით, მამაკაცი ვაკის პარკის მებაღე დევი მეზურნიშვილია. 

ცნობისთვის, ვაკის პარკში, შადრევანში სამი ბავშვი ბურთის ამოსატანად ჩავიდა, რა დროსაც მათ დენმა დაარტყა. ბავშვები კლინიკაში სასწრაფო დახმარების ბრიგადამ გადაიყვანა. ერთ-ერთი ბავშვის, 13 წლის გოგონას მდგომარეობა თავიდანვე მძიმე იყო და ის ხეჩინაშვილის კლინიკაში გარდაიცვალა. ერთი ბავშვი ამ დრომდე იაშვილის კლინიკაში რჩება, ერთი კი „ნიუ ჰოსპიტალსის“ კლინიკაშია. შინაგან საქმეთა სამინისტრომ გამოძიება სისხლის სამართლის კოდექსის 240-ე პრიმა მუხლით დაიწყო.