გურჯაანის მუნიციპალიტეტის სოფელ არაშენდაში ავტოსაგზაო შემთხვევას 34 წლის მამაკაცი ემსხვერპლა. შემთხვევა წუხელ მოხდა.

ავარიის სავარაუდო მიზეზი გადაჭარბებული სიჩქარე და არაფხიზელ მდგომარეობაში მყოფი მძღოლი სახელდება.

ადგილობრივების ინფორმაციით, მსუბუქი ავტომანქანა სოფლის ცენტრში, სატვირთო კამაზს შეეჯახა. ძლიერი შეჯახების შედეგად ახალგზრდა მამაკაცმა თავის მძიმე ტრავმა მიიღო და ადგილზე დაიღუპა.

შემთხვევის ადგილზე პოლიცია, მაშველები და სასწრაფო-სამედიცინო დახმარების თანამშრომლები იმყოფებოდნენ. გავრცელებული ინფორმაციით,  გარდაცვლილი სოფელ არაშენდაში მცხოვრები, როინ ბერიძეა. გარდაცვლილს მეუღლე და ორი მცირეწლოვანი შვილი დარჩა.