23 წლის დავით ჯალაძე, რომელმაც შოვში, მეწყერში მოყოლილი 5 წლის ბავშვის სიცოცხლე გადაარჩინა, მედიასთან საუბრისას დეტალებს იხსენებს.

„შოვიდან მოვდიოდით და მინერალურ წყალთან გავჩერდით. როდესაც დავიძარით და ხიდზე გადმოვედით, ვეღარ წამოვედით. წინიდანაც და უკნიდანაც საშინელი მეწყერი მოდიოდა. ძლივს გადავრჩით, ორჯერ წამიღო”, – საუბრობს „ფორმულასთან” ჯალაძე, რომელმაც 5 წლის ბავშვი გადაარჩინა.

შეგახსენებთ, რომ შინაგან საქმეთა სამინისტროს თანამშრომლების მიერ ონის მუნიციპალიტეტში მიმდინარე სამაშველო ღონისძიების შედეგად, სტიქიის ზონაში მყოფი 70-მდე მოქალაქე უსაფრთხო ტერიტორიაზეა გადაყვანილი.

შსს ადასტურებს, რომ სტიქიას 2 ადამიანი ემსხვერპლა.