რუსეთის თავდაცვის მინისტრმა სერგეი შოიგუმ განაცხადა, რომ, ძირითადად, ახლო აღმოსავლეთიდან, 16000-ზე მეტ პოტენციურ მოხალისეს უკრაინაში ბრძოლა სურს. მისივე მტკიცებით, ბევრი მათგანი ის პირები არიან, რომლებიც, რუსულ სამხედრო ძალებთან ერთად, ტერორისტული ორგანიზაცია „ისლამური სახელმწიფოს“ (ISIS)  წინააღმდეგ იბრძოდნენ.

კრემლის სპიკერმა, დიმიტრი პესკოვმა, მოგვიანებით დაადასტურა, რომ პოტენციური მოხალისეები სირიელი მებრძოლები იქნებიან.

ინფორმაციისთვის, დამასკო მოსკოვის ერთგული მოკავშირეა მას შემდეგ, რაც მოსკოვი 2015 წელს სირიის სამოქალაქო ომში, პრეზიდენტ ბაშარ ალ-ასადის მხარდასაჭერად, ჩაერია და კონფლიქტის ტალღა მის სასარგებლოდ შეცვალა.