საქართველო არ შერცხვენილა - თურქებს სულ ბოლო წუთამდე დიდი პრობლემები შეექმნათ - ფილოლოგი გია მურღულია საქართველო-თურქეთის მატჩს სოციალურ ქსელში აფასებს:

1. ქართველებმა იბრძოლეს გონიერი ღირსებით;

2. ვიღაც ძალიან გავლენიანმა დაგვწყევლა - ორი უბრწყინვალესი - პირდაპირ საარაკო - დაგვირტყეს და ჩვენი საგოლე ეპიზოდებისას თურქების კარს ჯადო წაეცხო;

3. მესამე ბურთი ვაჩუქეთ - არ იყო საჭირო მეკარის წინ წასვლა;

4. თურქეთმა თამაშის ხარისხით ვერ გვაჯო ბა;

5. ჩვენს ბიჭებს მადლობა ეკუთვნით თავდადებისა და პასუხისმგებლობისთვის საქართველოს წინაშე;

6. კვარაცხელიასგან მეტს ველოდით, მაგრამ ის კიდევ იტყვის თავის სათქმელს;

7. სანიოლს, ჩემი აზრით, ჩაკვეტაძე არაფრით არ უნდა გაეყვანა - ის ჩვენი ნაკრებისთვის საკვანძო მოთამაშეა;

8. დაცვას მეტი მოეთხოვება;

9. ჩვენი შეტევა ნებისმიერი გუნდისთვის სახიფათოა.

დაბოლოს:

საქართველო არ შერცხვენილა - თურქებს სულ ბოლო წუთამდე დიდი პრობლემები შეექმნათ.

ჩვენი სადებიუტო მატჩი უიღბლოდ დამთავრდა, მაგრამ ყველაფერი წინ არის - "სანამ ცოცხალი ხარ, არ გაბედო სიკვდილი!"

წინ, ბიჭებო!

თავაწეულებმა იარეთ.

საქართველო თქვენ გვერდით არის - წერს მურღულია.

საქართველოს საფეხბურთო ნაკრებმა ევროპის ჩემპიონატზე პირველი მატჩი გამართა და მძიმე ბრძოლაში თურქეთთან დამარცხდა. 25-ე წუთზე ანგარიში თურქებმა გახსნეს, ხოლო საქართველოს ნაკრებიდან გიორგი მიქაუტაძემ პირველი, ისტორიული გოლი 31-ე წუთზე გაიტანა და პირველი ტაიმი ფრედ 1:1 დასრულდა. თურქებმა ორი გოლის გატანა მატჩის მეორე ნახევარში შეძლეს, საბოლოოდ კი შეხვედრა ანგარიშით 3:1 დასრულდა. ევროპის ჩემპიონატზე მომდევნო შეხვედრას „ჯვაროსნები“ 22 ივნისს, ჰამბურგში გამართავენ, სადაც ჩეხეთს დაუპირისპირდებიან.