საქართველოს ეროვნულმა ნაკრებმა ერთა ლიგის გათამაშებაში მეორე გამარჯვება მოიპოვა. ჩეხეთთან გამარჯვების შემდეგ, ვილი სანიოლის გუნდმა ალბანეთის ნაკრებს ტირანაში 1:0 სძლია.

შეხვედრის ერთადერთი გოლი გიორგი ქოჩორაშვილმა 71-ე წუთზე გაიტანა, რაც შეეხება ხვიჩა კვარაცხელიას, სანიოლიმ ის 75-ე წუთზე შეცვალა.

მატჩის დასრულების შემდეგ, ალბანელ ჟურნალისტსა და ქართველ შემტევს შორის უცნაური დიალოგი შედგა.

ჟურნალისტი: "ხვიჩა, გეწყინა, რომ გოლის დროს მოედანზე არ იყავი?"
კვარა: "ბოდიში, კითხვა ვერ გავიგე.."
ჟურნალისტი: "გეწყინა როცა შენმა გუნდმა გოლი გაიტანა და შენ მოედანზე არ იყავი?"
კვარა: "მე მოედანზე ვიყავი"
ჟურნალისტი: "თქვენ ხომ გოლამდე შეგცვალეს?"
კვარა: "არა, გოლის დროს მე მოედანზე ვიყავი და არ აქვს მნიშვნელობა გუნდიდან ვინ გაიტანს გოლს"

იხილეთ ვიდეო: