ესპანული საფეხბურთო კლუბის, “ლევანტეს” წარმომადგენელი, სოცმედიის ადმინი,  ხავი დე ლა ოსა საქართველოში მოდის. ამის შესახებ მან სოციალურ ქსელში მიმართვა გაავრცელა და აცხადებს - “მომავალ შეხვედრამდე!” 

"ჩემო ძვირფასებო, სხვა გზა აღარ დამრჩა, ამდენი სიყვარულისგან სანამ მთლად გავგიჟდი, საქართველოში უნდა ჩამოვიდე! თუმცა მგონია, რომ იმდენს იზამთ, ესპანეთში დამბრუნებელი აღარ ვიქნები. აბა, რეკომენდაციები გამოუშვით, რა უნდა ვნახო!" - წერს ხავი დე ლა ოსა სოციალურ ქსელში და ვიდეოს აქვეყნებს.

როგორც ცნობილია, ხავი საფეხბურთო კლუბის ფეისბუკვერდზე, თითქმის ყოველდღიურად, პოსტებს ქართულ ენაზე აქვეყნებს, რაც ქართული აუდიტორიის მხრიდან დიდ მოწონებას იმსახურებს.