უკრაინის პრეზიდენტი ვოლოდიმირ ზელენსკი ბახმუტში ჩავიდა. მან სპეციალური ოპერაციების ძალებს პროფესიული დღესასწაული მიულოცა.

„ბახმუტის მიმართულება, სპეციალური ოპერაციების ძალების მოწინავე პოზიციები. დღეს აქ ვარ, რომ მივულოცო ჩვენს ჯარისკაცებს პროფესიული დღე, პატივი მივაგო მათ ძალას. მოვისმინე მეთაურის ანგარიში, ვესაუბრე სამხედროებს“, - წერს ზელენსკი.

ზელენსკიმ ადგილზე უკრაინელ სამხედროებსაც მიმართა: „ოპერაციების დეტალებს ვერ გეტყვით მაგრამ ბიჭებო, დავალებების შესრულება უკრაინისთვის ნამდვილად გმირობაა“.