დონალდ ტრამპი აშშ-ის 47-ე პრეზიდენტი ოფიციალურად გახდა.

ტრამპმა საპრეზიდენტო ფიცი უკვე დადო.

„მე საზეიმოდ ვფიცავ, რომ კეთილსინდისიერად შევასრულებ შეერთებული შტატების პრეზიდენტის მოვალეობას და ჩემი შესაძლებლობების ფარგლებში დავიცავ შეერთებული შტატების კონსტიტუციას“, – განაცხადა ტრამპმა ფიცის დადების დროს.

ფიცის დადების შემდეგ, საზოგადოებას დაახლოებით 30-წუთიანი სიტყვით მიმართა:

ტრამპის საინაუგურაციო სიტყვა, ძირითადი აქცენტები:

• დონალდ ტრამპი – ამერიკის ოქროს ხანა იწყება ახლა, დღეიდან ჩვენი ქვეყანა აყვავდება და კვლავ პატივს სცემენ მთელ მსოფლიოში
• დონალდ ტრამპი – ამერიკას დავაყენებ პირველ ადგილზე, ჩვენი სუვერენიტეტი დაბრუნდება, ჩვენი უსაფრთხოება აღდგება
• დონალდ ტრამპი – აშშ-ის ოფიციალური პოლიტიკა იქნება, რომ არსებობს მხოლოდ და მხოლოდ ორი გენდერი – ქალი და კაცი
• დონალდ ტრამპი – ჩვენ გვყავს მთავრობა, რომელსაც არ შეუძლია, მართოს მარტივი კრიზისიც კი ქვეყნის შიგნით და ამავდროულად, ებმება კატასტროფულ მოვლენებში საზღვარგარეთ
• დონალდ ტრამპი – მჯერა, რომ ჩემი სიცოცხლე უმიზეზოდ არ გადარჩენილა, მე გადამარჩინა ღმერთმა, რათა ამერიკა კვლავ დიადი გავხადო
• დონალდ ტრამპი – ეროვნული ერთიანობა ბრუნდება ამერიკაში, თავდაჯერებულობა და სიამაყე უპრეცედენტოდ მაღალია, ჩვენ არ დავივიწყებთ ჩვენს ქვეყანას, კონსტიტუციას და ღმერთს
• დონალდ ტრამპი – პირველ რიგში, გამოვაცხადებ საგანგებო მდგომარეობას ჩვენს სამხრეთ საზღვარზე, ყველა უკანონო შემოსვლა დაუყოვნებლივ შეჩერდება
• დონალდ ტრამპი – ამერიკული ოცნება მალე დაბრუნდება, აყვავდება, როგორც არასდროს, რათა აღდგეს ფედერალური მთავრობის კომპეტენტურობა და ეფექტიანობა

თარგმანი საქართველოს პირველი არხი: