ოკუპირებულ აფხაზეთში ქართული კოკა-კოლა იყიდება. ვიდეომასალას აფხაზური საინფორმაციო სააგენტო „აიშარა“ სოციალურ ქსელში ავრცელებს.

“აი, გაგრის ერთ-ერთ მაღაზიაში ნაპოვნი კოკა-კოლა.…” - წერს მედია და ვიდეოს აქვეყნებს, რომელშიც ჩანს “კოკა-კოლას” ბოთლი ქართული წარწერით.

ინფორმაციისთვის, მანამდე კი, ოკუპირებული აფხაზეთის მაღაზიებში ქართული მინერალური წყალი - „ბორჯომი“, „ნაბეღლავი“, „ლიკანი“ და „საირმე“ აღმოაჩინეს.

გარდა ამისა, ოკუპირებულ აფხაზეთში სკანდალი გამოიწვია მაღაზიებში ხაშის კონსერვების რეალიზების ფაქტმა, რომელზედაც საქართველოს დროშა იყო გამოსახული.