ისრაელში მყოფი ქართველი ემიგრანტი ,,სფეის ნიუს" უყვება, რომ ირანმა ისრალის დაბომბვა დაიწყო. 
ამის ამსახველ ვიდეომასალაც გამოგვიგზავნა

ირანის მხრიდან ბალისტიკური რაკეტების სროოლის შესახებ ინფორაციას ადასტურებს ისრაელის თავდაცვის ძალებიც.

საჰაერო განგაში ისმის მთელი ისრაელის მასშტაბით. ამ დროისთვის დამატებითი დეტალები უცნობია.

ცოტახნის წინ, ისრაელის თავდაცვის ძალები ქვეყნის ცენტრალურ ნაწილში მცხოვრებლებს მოუწოდებს, თავშესაფრებთან ახლოს იყვნენ. შესაბამისი გაფრთხილება ისრაელის თავდაცვის ძალებმა მას შემდეგ გაავრცელეს, რაც ირანის მხრიდან მოსალოდნელი თავდასხმის შესახებ ინფორმაცია გავრცელდა.

ქვეყნის პრემიერმა კი, მოსახლეობას მიმართა:

ჩვენ ვიმყოფებით სამხედრო კამპანიის შუაგულში ირანის ბოროტების ღერძის წინააღმდეგ. გუშინ ვთქვი, რომ ეს დღეები დიდი მიღწევებისა და დიდი გამოწვევების დღეებია. დიდი მიღწევები, რადგან ჩვენ ჩავშალეთ ნასრალასა და მისი ზედა სარდლობის, ასევე „ჰეზბოლას“ გეგმა გალილეის ოკუპაციის შესახებ. ჩვენ გადაწყვეტილი გვაქვს, უსაფრთხოდ დავაბრუნოთ ჩვენი მოსახლეობა ჩრდილოეთში თავიანთ სახლებში, მაგრამ მეორე მხრივ, არის დიდი გამოწვევები“, – განაცხადა ისრაელის პრემიერმა, ბენიამინ ნეთანიაჰუმ.

თეთრმა სახლმა განცხადა, რომ ირანი უახლოეს მომავალში ისრაელის წინააღმდეგ ბალისტიკური რაკეტებით შეტევისთვის ემზადება

ასევე ამერიკულ მედიაში გავრცელდა ინფორმაცია, ისრაელის სამი ოფიციალური პირზე დაყრდნობით, რომ  თავდასხმა მოიცავს ისრაელის წინააღმდეგ უპილოტო საფრენი აპარატებისა და რაკეტების გამოყენებას. აშშ-ს ერთი ოფიციალური პირი ამბობს, რომ გამოყენებული იქნება ბალისტიკური რაკეტებიც.

ასევე მათი თქმით,  ირანის თავდასხმის სამიზნე იქნება სამი სამხედრო-საჰაერო ბაზა, ასევე დაზვერვის შტაბ-ბინა თელ ავივის ჩრდილოეთით, რომელიც დღეს საღამოს დაცალეს.

იხილეთ ვიდეო:

https://spnews.io/storage/files/%E1%83%98%E1%83%A1%E1%83%A0%E1%83%94%E1%83%90%E1%83%9A%E1%83%98%20%E1%83%93%E1%83%90%E1%83%91%E1%83%9D%E1%83%9B%E1%83%91%E1%83%95%E1%83%90.mp4