დაპირისპირება იყო დღეს, 26 მარტს, ბათუმის საკრებულოში. 

ერთმანეთს „ქართული ოცნების“ და „გახარია - საქართველოსთვის“ პარტიების წარმომადგენლები დაუპირისპირდნენ.

ბათუმის მერიის ქალაქმშენებლობისა და ურბანული პოლიტიკის სამსახურის ხელმძღვანელის გამოსვლის დროს საკრებულოს წვერმა გახარიას პარტიიდან, აკაკი გვიანიძემ მას კითხვები დაუსვა კონკრეტულ პროექტთან დაკავშირებით.

კერძოდ, აკაკი გვიანიძე დაინტერესდა პროექტის პარკინგის ადგილების რაოდენობით და ამბობდა, რომ ეს არის სერიოზული პრობლემა. მის შეკითხვებს გამოეპასუხა საკრებულოს წევრი „ოცნებიდან“, მინდია გოგუაძე, რასაც დაპირისპირება მოჰყვა. კონფლიქტში მინდია გოგუაძის დასაცავად „ოცნების“ კიდევ ერთი წევრი, ლევან ცხოიძე ჩაერთო.

ნახეთ “ბათულემების” ვიდეო, რომელშიც ფიზიკური დაპირისპირების კადრებია: