„ამ ადამიანებმა მადლობა გადაუხადონ საქართველოს ხელისუფლებას და ბოდიში მოუხადონ ხალხს“ -  საქართველოს პარლამენტის თავმჯდომარე შალვა პაპუაშვილი სოციალურ ქსელში იმ ადამიანების შესახებ წერს, ვინც უკრაინაში ომის დაწყების შემდეგ რუსეთისთვის სანქციების დაწესებას  და ომში ჩართვას ითხოვდა.

ომის პირველ დღეებში ზუსტად იგივე ხალხი, ვინც დღეს დგას ქუჩაში, იდგა პარლამენტის წინ და ითხოვდა სანქციების დაწესებას, მებრძოლების გაგზავნას და ომში ჩართვას. ამ ადამიანებმა მადლობა გადაუხადონ საქართველოს ხელისუფლებას და ბოდიში მოუხადონ ხალხს. ჩვენ რომ მათთვის დაგვეჯერებინა, დღეს ევროპაზე სასაუბრო კი არ იქნებოდა, ვინ ვის საფლავს დაიტირებდა ამაზე იქნებოდა საქმე - წერს შალვა პაპუაშვილი.