უნგრეთის ქალაქ დებრეცენში მიმდინარე ფიგურული ციგურაობის მსოფლიო ჩემპიონატზე ახალგაზრდებს შორის, სპორტულ წყვილებში, ანასტასია მეტელკინა და ლუკა ბერულავა ოქროს მედლის მფლობელები გახდნენ. [გამოსვლის ვიდეო]

საქართველოს წარმომადგენლებმა მოკლე პროგრამის მსგავსად, თავისუფალ პროგრამაშიც პირველი ადგილი დაიკავეს, ორი გამოსვლის ჯამში 191.01 ქულა დააგროვეს და მსოფლიო ჩემპიონის ტიტული მოიპოვეს.

მეორე ადგილზე სოფია ჰოლიშენკო და არტემ დარენსკი (უკრაინა) გავიდნენ, მესამე პოზიცია კი მარია არიანო კენტმა და ჩარლი ლალიბერტ ლორენმა (კანადა) დაიკავა.

შეგახსენებთ, რომ დღეს ერთეულთა შორის თავისუფალი პროგრამით ინგა გურგენიძემაც იასპარეზა და მსოფლიო ჩემპიონატზე გამოსვლა მეექვსე ადგილზე დაასრულა.