ვრცელდება ვიდეო, რომელშიც ჩანს, რომ თავისუფლების მოედნის ტერიტორიაზე პოლიცია აქციის მონაწილეებს აკავებს. არსებული ინფორმაციით, დაკავების ოპერაციაში სპეცრაზმიც მონაწილეობს.

დეტალები და დაკავებულების რაოდენობა უცნობია. ვიდეოკადრები სოციალურ ქსელში ვრცელდება.

გარდა ამისა, ლექსო სამხარაძე ავრცელებს ლეონიძის ქუჩაზე გადაღებულ ვიდეოკადრებს და წერს, რომ მოქალაქეს სპეცრაზმელებმა ცოლთან ერთად სცემეს.

“ასე როდესაც ექცევი საკუთარ მოქალაქეებს, ხარ ნაძირალა!
ცოლთან ერთად გალახეს!
მთელი ავტობუსი ჩამოვიდა საცემად 🤬
ქართველებს ვერ შეგვაშინებთ Грузин-ებო”– წერს ლექსო სამხარაძე.

ნახეთ ვიდეო: