ცოტა ხნის წინ, სოციალურ ქსელ "ფეისბუკის” პირდაპირ ეთერში, ქუთაისელმა ჟურნალისტმა, ბუბა ჩივაძემ თვითდაზიანება მკლავზე მიიყენა (ვენები გადაიჭრა).

"მივიღე გადაწყვეტილება...... ნუ შეგეშინდებათ, მეგობრებო და ჩემო გადარჩენილო ხალხო. ჩემი პროფესიული საქმიანობა დაუცველია ამ ქვეყანაში. … ერთს მაინც გავაკეთებ, გადავარჩენ ათეულობით იმ ადამიანს, რომლებიც ჩემნაირად შანტაჟის და ბულინგის მსხვერპლნი არიან.  

ყველანი მიყვარხართ",- ამ სიტყვებით მიმართა მან საზოგადოებას სოციალური ქსელის პირდაპირ ეთერში.

თვითდაზიანების მიყენების შემდეგ, ჟურნალისტმა ეთერი გათიშა.

უცნობია, ჟურნალისტის ჯანმრთელობის მდგომარეობა. არსებული ინფორმაციით, ის სასწრაფოს ექიმებმა კლინიკაში გადაიყვანეს.

ცნობისთვის, ბუბა ჩივაძე გამოცემა - “ქუთაისი თუდეის” რედაქტორია.