ხუხაშვილის შეფასებით, ციხე არ არის სააკაშვილისთვის კომფორტული სივრცე, საიდანაც ის გააკეთებდა პოლიტიკას და გრძელვადიან თამაშში შევიდოდა.

„ის ორიენტირებულია ძალიან სწრაფ შედეგზე. ასე იყო მისი მმართველობის დროსაც, თუმცა, ვერ გამოვრიცხავ, რომ ჩამოსვლის გადაწყვეტილება მიღებული არ აქვს. თუ ის ჩამოვიდა, ძალიან არაკომფორტული იქნება ხელისუფლებისთვის.

თუ მან დაინახა იმის გარკვეული გარანტიები, რომ მას გარკვეული სივრცე დარჩება, თუნდაც მცირე ხნით თავისუფალი მოქმედების შესაძლებლობის, ამ შემთხვევაში - ჩამოვა. ციხეში მისი გამწესება ანგრევს ხელისუფლების მთელ „მატრიცას,“ - განაცხადა გია ხუხაშვილმა.