გუშინ, 3 დეკემბერს, უკრაინაში მიმდინარე ომს 5 ქართველი მებრძოლი ემსხვერპლა.

ერთ-ერთი დაღუპული მებრძოლი, რომეო კვარაცხელია აფხაზეთიდან დევნილია და ოჯახთან ერთად ფოთში, დევნილთა დასახლებაში ცხოვრობდა.

როლანდის ძმა 16 წლის ასაკში, აფხაზეთის ომში დაიღუპა. თავად რომეოც აფხაზეთის ომის მონაწილე იყო.

"ვეუბნებოდი, არ მინდა მეორე შვილის სიკვდილი ვნახო-თქო..." - ამბობს კვარაცხელიას მამა.

"ნამდვილი პატრიოტი იყო. უყვარდა მეგობრობა, მეზობლობა, თავისი ერი. იბრძოდა საწყალი. ვერ იტანდა უსამართლობას. 19 წლის ასაკში აფხაზეთში იბრძოდა," - ამბობს კვარაცხელიას ​ახლობელი, თამაზ პაპავა.

"ორივე შვილი დაეღუპა მამას და დარჩა მოხუცი კაცი ასე. ერთი აფხაზეთში ბავშვობაში და იქაა დამარხული, ახლა მეორეც...", - ამბობს კვარაცხელიას ახლობელი დავით ფაცია.